Turqia shënoi dje numrin më të madh të pacientëve të shëruar brenda një dite të vetme. Njoftimi u bë nga ministri i shëndetësisë i vendit Fahrettin Koca në Twitter.
Një total prej 4,651 pacientësh dolën nga spitali pasi u shëruan nga virusi vetëm në 24 orët e fundit, duke e çuar numrin në total në 33.791 pacientë.
Koca konfirmoi gjithashtu 95 viktima të tjera nga koronavirusi gjatë 24 orëve të kaluara, duke shënuar numrin e përgjithshëm të vdekjeve në 2.900.
Numri i përgjithshëm i rasteve të regjistruara të koronavirusit u rrit në 112.261, pasi 2.131 njerëz të tjerë u testuan pozitivë me koronavirus, Numrat e së hënës tregojnë gjithashtu se për ditën e tretë radhazi, Turqia regjistroi më shumë të shëruar sesa raste të reja. Koca theksoi se ka rënë edhe numri i pacientëve në njësitë e kujdesit intensiv.
Kujtojmë se pas origjinës në Kinë dhjetorin e kaluar, COVID-19, sëmundja e shkaktuar nga një koronavirus, është përhapur në të paktën 185 vende dhe rajone në të gjithë botën. Evropa dhe Sh.B.A aktualisht janë rajonet më të goditura.