U mor peng, lirohet një prej miliarderëve më të mëdhenj në botë

10 ditë pasi u mor peng teksa po bënte vrapin e mëngjesit në një prej lagjeve të pasura të Tanzanisë, është lënë i lirë biznesmeni Mohammed Dewji.

Ai shkroi në Twitter:

Unë jam kthyer në shtëpi i sigurt”.
Ende nuk dihet nëse 43-vjeçari është liruar apo u paguan para për lënien e tij të lirë.

Dewji u rrëmbye nga persona të armatosur në Hotel Colosseum në fillim të 11 tetorit, ndërsa po shkonte në palestër për të bërë stërvitje.

Familja e tij kishte ofruar një shpërblim prej 440.000 dollarë për çdo informacionin që do çonte në shpëtimin e tij.

Sipas Forbes, Dewji ka një pasuri prej 1.5 miliardë dollarë dhe është miliarderi më i ri në Afrikë.

Kompania e tij MeTL, prodhon tekstile, bluan miell, prodhon pije dhe vajra ushqimorë në të paktën gjashtë shtete afrikane.