Ukraina në BE, Zelensky dorëzon formularin për anëtarësimin

Presidenti ukrainas Volodymyr Zelesnky, këtë të hënë ka dorëzuar formularin për marrjen e statusit kandidat për anëtarësim në BE. Zelesnky ia ka dorëzuar formularin kreut të delegacionit të BE-së në Ukrainë, Mati Masikas.

“Dua t’u falënderoj për këtë takim të rëndësishëm. Sot është një nga etapat kyçe për anëtarësimin e vendit tonë në Bashkimin Evropian. Kjo është ambicia për të cilën populli ynë po lufton”,-tha Zelensky, duke shtuar se ky hap për vendin e tij vjen në një kohë tragjike kur shumë ukrainas që përfaqësojnë vlerat evropiane po humbasin jetën.

Kreu i delegacionit të BE-së në Ukrainë vuri në dukje se ky proces po zhvillohet në një situatë shumë të vështirë për Ukrainën.