Ukrainë, 9 janari shpallet ditë zie

Presidenti i Ukrainës, Volodymyr Zelensky ka nënshkruar një dekret duke shpallur 9 janarin ditë zie kombëtare. Kreu i shtetit nënshkroi dekretin pas një takimi pune për çështje që lidhen me rrëzimin e aeroplanit ukrahinas, njoftoi shërbimi presidencial. “Për të nderuar viktimat, presidenti dekretoi që flamujt kombëtar të Ukrainës të uleshin në gjysmë-shtizë mbi ndërtesat e autoriteteve shtetërore dhe agjencive të vetëqeverisjes lokale, ndërmarrjeve shtetërore, institucioneve dhe organizatave. Dekreti gjithashtu anulon aktivitetet argëtuese dhe janë bërë ndryshime në programet televizive dhe radio”.