Ushtria izraelite vret 12 palestinezë në Rripin e Gazas, qindra të plagosur

Tensionohet së tepërmi situata në Rripin e Gazës. Të paktën 12 persona kanë mbetur të vdekur pas përleshjeve mes protestuesve palestinezë dhe ushtarëve izraelitë.

Viktimat janë të gjitha nga radhët e palestinezëve. Mbi 350 persona kanë mbetur të plagosur pasi ushtria izraelite hapi zjarr ndaj protestuesve.

Rreth 17 mijë persona u grumbulluan në kufirin me Izraelin në Rripin e Gazës, në 6 pika të ndryshme sipas ushtrisë izraelite.

Në tubim marrin pjesë edhe qindra gra e fëmijë.Mes viktimave është konfirmuar edhe një 16-vjeçar.

Ushtria izraelite ka deklaruar se ka qëlluar mbi atë që kanë sulmuar. Sipas shtetit hebre, një grup personash kanë hedhur bomba Molotov drejt ushtarëve që janë vetëmbrojtur.