Vala e përhapjes së Covid-19, Trump: Doktor Fauci e ka gabim
Presidenti amerikan, Donald Trump i është “kundërvënë” ekspertit për sëmundjet infektive, Anthony Fauci, duke u shprehur se ai bëri gabim kur tha se rritja e të infektuarve në SHBA erdhi si pasojë e masave jo të forta sa duhej të izolimit.
Doktor Fauci deklaroi më herët në Kongres se pabarazia e përhapjes së pandemisë në SHBA dhe vendet e tjera të Europës mund t’i atribuohet vetëm masave shtrënguese të ndërmarra. Fauci mendon se vendet e tjera të Europës mbyllën rreth 95% të ekonomisë së tyre gjatë javëve të izolimit ndërsa SHBA vetëm gjysmën e saj.
Presidenti Trump duket se nuk është shumë dakord me këto deklarata se “Numri i lartë i të infektuarve vjen pasi në Shtetet e Bashkuara janë kryer më shumë teste se në çdo vend tjetër”. Sipas të dhënave më të fundit, që nga nisja e pandemisë në SHBA janë kryer më shumë se 56 milionë testime për Covid-19.
