Venizelos: Ligjvënësit do jenë në gjendje të shmangin zgjedhjet

Ligjvënësit greke do jenë në gjendje të shmangin zgjedhjet e parakohshme duke votuar për presidentin e ri. Zëvendëskryeministri dhe ministri i Jashtëm grek Evangelos Venizelos nga Berlini, deklaroi se bashkë me kryeministrin po bëjnë përpjekje për ta miratuar kreun e shtetit sa më parë.

Zëvendëskryeministri grek dhe ministri i Jashtëm Evangelos Venizelos është shfaqur optimist në Berlin, duke deklaruar se ligjvënësit grekë do të jenë në gjendje të zgjedhin presidentin e vendit dhe për rjedhojë të shmangin zgjedhjet e parakohëshme parlamentare.

“Kryeministri dhe unë, si udhëheqës të dy partive qeveritare, kemi vendosur të përshpejtojmë procesin e zgjedhjes së presidentit të ri nëpërmjet parlamentit,” tha Venizelos në një konferencë të përbashkët shtypi me ministrin e Jashtëm gjerman Frank-Walter Steinmeier. Ai shtoi se kushtetuta greke kërkon një shumicë prej dy të tretave në raundin e parë dhe të dytë të zgjedhjeve dhe një shumicë prej tre të pestat në raundin e tretë.

Raundi i tretë do të mbahet më 29 dhjetor dhe ne shpresojmë dhe besojmë se ndjenja e detyrës dhe ndërgjegjësimi i qytetarëve greke do të na lejojë të zgjedhim presidentin e ri për të shmangur zgjedhjet e reja.

Kurse homologu i tij gjerman Steinmeier tha se përparimi i bërë në Greqi duhet të vazhdojë. Ai shtoi se për një fillim të ri në Greqi duhet që vendi të jetë i unifikuar dhe politika gjithashtu. Greqia do të zgjedhë presidentitn në tre raunde, më 17 , 23 dhe 29 dhjetor. Kryeminsitri i vendit Antonis Samras dekalroi se nesë ky votim dështon, Greqia do të mbajë zgjedhje të parakohëshme parlamentare në muajin janar.