Vetëm për 50 raste, Kina izolon miliona banorë

Vetëm për 50 raste ditore, shifra më e lartë që prej 16 shtatorit, Kina po zhvillon testime masive në qytetet përgjatë kufirit ndërkombëtar në veri perëndim të vendit. Ka vendosur në izolim miliona banorë.

Kina ka raportuar në 10 ditët e fundit rreth 250 raste të transmetimit lokal të Covid-19 dhe kjo shifër ka shqetësuar autoritetet shëndetësore. Shkak për këtë besohet të jetë numri i lartë i personave që vijnë nga shtetet e tjera.

Kina do të organizojë Lojërat Olimpike Dimërore në Shkurt dhe qeveria kineze thotë se pandemia është sfidë kryesore për mbarëvajtjen e këtij eventi.