VIDEO/ Shpërndarësit e kokainës me viza turistike

Vizat turistike, lëvizja e lirë 3 mujore ka bërë që shumë shqiptarë të shkojnë në Itali dhe të merren me shpërndarje droge.

Kështu shkruajnë sot mediat vendase. Sipas tyre ‘shpërndarësit e kokainës vijnë në Itali falë edhe lëvizjes së lirë 3 mujorshe pas heqjes së vizave të Shqipërisë me vendet e BE-s’.

Shumë kthehen në Shqipëri, por po shumë vijnë në Itali, shkruan sot Il Resto di Carlino.

Një ditë më parë u vunë në pranga 3 shqiptarë, dy djem dhe një vajzë. Të tre e kishin kaluar kufirin pikërisht falë edhe lëvizjes së lirë.

Sipas asaj që shkruajnë mediat, të tre shqiptarët falë edhe ‘vizave turistike’ kishin pasur lëvizje të shumta mes Shqipërisë dhe Italisë. Aktiviteti i tyre duket se ishte pikërisht shpërndarja e kokainës.