Vijojnë tragjeditë në Greqi, përmbyten disa zona (VIDEO)

Pas zjarreve që shkatërruan mijëra hektarë pyje, tani Greqia po përballet me përmbytje. Mediat greke kanë publikuar dhe pamjet që tregojnë se në shumë zona reshjet e shiut kanë qenë shumë intensive dhe kanë shkaktuar përmbytje.

Nata e mbrëmshme ka qenë ndër më të këqijat për banorët e Evisë veriore, të cilët për orë të tëra kanë qenë të rrezikuar pasi prurjet ishin të shumta.

Nga informacionet e deritanishme bëhet me dije se dhjetëra banesa janë përmbytur, por ende nuk ka nisur puna për të bërë bilancin e dëmeve.