Virologu suedez: 600 mijë banorë të Stokholmit janë prekur nga Koronavirus

Në Stokholm të Suedisë mund të jenë prekur rreth 600.000 njerëz nga koronavirusi, dhe 99 për qind e tyre sipas virologut Johan Giesecke as që e kanë ditur apo dinë për këtë.

Në Suedi, deri tani janë konfirmuar vetëm 15,000 raste të të infektuarve me virusin, dhe 5992 prej atyre që jetojnë në rajonin e Stokholmit, raporton gazeta suedeze Expressen.

Por shumë ekspertë besojnë se numri i të infektuarve është shumë më i lartë. Sipas një studimi të publikuar dje, 11% e banorëve të Stokholmit zhvilluan antitrupa Covid-19.

Virologu Giesecke tha për SVT News:

600,000 banorë të Stokholmit janë infektuar me koronavirus deri më tani, por 99% nuk janë as të vetëdijshëm se e kanë ose kanë vuajtur nga Covid-19. Shumica e atyre që u infektuan nuk e vunë re madje. Por kishte disa që kishin simptoma të buta, disa që ishin të sëmurë rëndë dhe disa që vdiqën. Por pjesa e tyre është shumë e vogël në numrin e përgjithshëm të infektuarve.

Sipas SVT News, rajoni i Stokholmit do të zgjasë testimin dhe deri më tani, rreth 5000 njerëz janë testuar, dhe pas blerjes së testeve të reja dhe pajisjeve të tjera të nevojshme, rajoni planifikon të testojë 5000 qytetarë çdo ditë.

Drejtuesi i Laboratorit Universitar Karolinska Claes Ruth tha për SVT News:

Antitrupat që ne kemi filluar t’i përdorim sot janë të një cilësie të lartë dhe mund të përdoren për qëllime shëndetësore dhe kërkimore. Ne duam të shohim nëse ata të infektuar kanë zhvilluar antitrupa ndaj Covid-19.

Rajoni i Stokholmit synon të kryejë 2000 teste të antitrupave çdo javë përveç 5000 testeve ditore të koronavirusit.