Vladimir Putin: Lufta me Ukrainën do të ishte një skenar apokaliptik

Presidenti rus, Vladimir Putin, thotë se Rusia nuk ka ndërmend të bëjë luftë me Ukrainën.

Por, sipas tij, nëse një luftë e till ndodh, do të kishim të bënim me një skenar apokaliptik.

“Mendoj se një skenar i tillë apokaliptik nuk ka gjasa dhe shpresoj të mos ndodhë kurrë”, ka thënë Putin për televizionin shtetëror rus.

Ukrania, SHBA dhe BE e akuzojnë Rusinë se furnizon me armë dhe ndihmon forcat pro-ruse në luftën që po bëjnë në Ukrainë.

Por, Putin thotë se këto akuza nuk janë të vërteta.

Sipas tij, Kievi gabon që fajëson Rusinë për humbjet e saj në qytetin Debaltseve.