Vuçiç: E çuditshme që INTERPOL-i lëshoi ​​urdhër-arrest për Radojçiçin

Presidenti serb Aleksandër Vuçiç ka reaguar në lidhje me lajmin se INTERPOL-i ka futur në sistemin e urdhër arrestit ndërkombëtar të gjithë personat e dyshuar që realizuan sulmin terrorist të 24 shtatorit në Banjskë të Zveçanit, ku mbeti i vrarë efektivi Afrim Bunjaku.

Vuçiç është shprehur i habitur duke thënë se është e pakuptimtë arsyeja e shpalljes në kërkim ndërkombëtar ndaj Milan Radojçiç, ish-nënkryetarit të Listës Serbe në veri të Kosovës

“Është shumë e çuditshme (që INTERPOL-i lëshoi ​​një urdhër për Milan Radojiçiç). Ai nuk është më as nënkryetar i Listës Serbe, por aleat i Vuçiçit. Është pothuajse si Antanta e Vogël, Antanta e Madhe, pra është aleat i Vuçiçit. Sepse ai është aleat i Vuçiçit. çdo gjë ju ka dështuar nëse nuk e keni sulmuar Vuçiçin”, ka thënë Vuçiç në TV Prva.