Vuçiç: Kemi problemet tona, nuk kemi kohë për nacionalizëm

“Serbia është e përcaktuar për paqe në mënyrë të pavarur dhe pa kurrfarë shtytje nga jashtë.

Kemi bërë reforma ekonomike, nuk krijojmë probleme nacionaliste sepse kemi problemet tona të brendshme.

 Serbia ka shmangur konfliktet etnike sepse këtë e bëjnë vetëm politikanët e dobët”, ka thënë Vuçiç, raporton Koha Ditore.

Gjatë mbledhjes, kryeministri serb ka pohuar edhe njëherë se Serbia nuk do ta njohë Kosovën, por kjo nuk do ta pengojë Beogradin që të bisedojë me Prishtinën.

“Ne nuk njohim pavarësinë e Kosovës, por kjo nuk na pengon që të bisedojmë me Prishtinën. Kjo është një qasje pozitive e Serbisë. Ne kemi dëshmuar se dëshirojmë paqe në Ballkan dhe se dëshirojmë të ardhme normale”, ka thënë ai.