WASHINGTON – FMN: Rritja ekonomike botërore 3,5 për qind, rimëkëmbje e dukshme në BE

Rritja e ekonomisë botërore pritet të arrijë 3,8 për qind këtë vit dhe 3,8 për qind në vitin 2016, me perspektiva më të mira në BE dhe në Japoni, por me një ritëm më të moderuar në SHBA, tha sot FMN-ja.

”Ekonomia amerikane duhet të rritet me 3,1 për qind në vitin 2015 dhe 2016, që do të thotë më pak nga sa ka parashikuar FMN-ja në janar (-0,5 pikë për vitin 2015 dhe -0,2 pikë për 2016). Rusia pritet të arrijë një tjetër kontraktim të ekonomisë, ndërsa India nga ana tjetër po rritet ndjeshëm”, theksoi FMN-ja. ”Kjo kompensohet me shifra më të mira në zonën euro me 1,5 për qind në vitin 2015 (+0,3 pikë në krahasim me parashikimin e janarit) dhe 1,6 për qind në vitin 2016 (0,2 pikë më shumë). Japonia ka si synim rritjen me një për qind në vitin 2015 dhe 1,2 për qind në vitin 2016 (+0,4 pikë në të dyja rastet)”, shtoi ajo.

”Megjithatë rënia është shënuar nga Rusia, ekonomia e të cilës duhet të rritej me 3,8 për qind në vitin 2015 dhe me 1,1 për qind në vitin 2016, ndërsa Kina me 6,8 për qind në vitin 2015 dhe 6,3 për qind në 2016 duke patur parasysh parashikimet e pandryshueshme të bëra në janar. Vetëm India ka patur një shkëputje me 7,5 për qind si në 2015 ashtu edhe në 2016”, tha ky fond.

”Rritja e ekonomisë botërore në 2015 do të drejtohet nga një ndryshim i perspektivave për ekonomitë e zhvilluara për shkak të rënies të çmimeve të naftës”, shtoi FMN-ja në raportin e saj mbi perspektivat për ekonominë globale (WEO), të botuar pak para mbledhjeve të pranverës në Uashington këtë javë.