Zbulohet emri i sulmuesit në Mynih

Ali Sonboly, dyshohet se është emri i sulmuesit në Mynih, i cili la të vdekur së paku 10 persona në dyqanin fast-food’McDonalds.

Sipas të përditshmes britanike, Daily Mail, 18-vjeçari me prejardhje iraniane, dyshohet se ka hapur një faqe në Facebook ku thuhej se do të shpërndahet ushqim gratis në ‘McDonalds’.

Babai i vrasësit raportohet se punon si një taksist, ndërsa nëna e tij punon në një qendër tregtare.

Gazeta ‘Bild’ ka njoftuar gjithashtu se policia gjermane ka marrë babanë e sulmuesit 18-vjeçar dhe po e interviston.

Ekipet e mjekësisë ligjore janë në kërkim të banesës ku jetonte i armatosuri bashkë me prindërit e tij.