Zbulohet një varianti i ri i Covid-19, ekspertët japin alarmin

Një variant i ri i Covid-19 është zbuluar nga Vietnami që sipas studimeve të deritanishme është një kombinim i variantit indian dhe atij britanik. Ky variant mund të përhapet shumë shpejt nga ajri dhe shihet si një ndër variantet më të rrezikshëm.

Zyrtarët e Vietnamit kanë dhënë alarmin, pasi varianti i ri i Covid është një kombinimin mes mutacioneve që janë zbuluar në Indi dhe Britani. Ministri i Shëndetësisë së Vietnamit, Nguyen Thanh Long, u shpreh se mutacioni i fundit të është “shumë i rrezikshëm“.

Deri tani është zbuluar se varianti i ri hibrid ishte më i transmetueshëm sesa versionet e njohura më parë. Ky variant i ri është duke u studiuar dhe zyrtarët e shtetit kanë thënë se kodi gjenetik do të jetë publik shumë shpejt.