Zelensky apel aleatëve pas kërc@nimit rus

Presidenti ukrainas Volodymyr Zelensky u bëri thirrje aleatëve të tij që t’i japin një “përgjigje të fortë” “shantazhit” të Vladimir Putin, i cili kërcënoi se do të godiste Kievin me raketën e tij të re strategjike Orechnik.

”Ne duhet t’i përgjigjemi së bashku përpjekjes së Rusisë. Ne jemi të interesuar për paqen-Ukraina dhe të gjithë partnerët tanë. Tani është koha për të forcuar pozitat tona, pozicionet e Ukrainës dhe partnerëve tanë. Çdo shantazh rus duhet të përballet me një përgjigje të ashpër.

Ashtu siç e meriton Putini. Dhe ne duhet të shohim perspektivën e përfundimit të luftës me paqe të vërtetë së bashku me Amerikën, së bashku me Evropën, së bashku me të gjithë partnerët. Nevojitet paqja e vërtetë”. Ai akuzoi Putin se dëshiron të përshkallëzojë situatën tani në mënyrë që Presidenti Trump të mos arrijë t’i japë fund luftës.