Zelensky bisedë telefonike me Von der Leyen: Jemi në fazë vendimtare, BE-ja të na mbështesë

Një bisedë telefonike shumë pozitive me Presidenten e Komisionit Evropian Ursula von der Leyen, e ka quajtur Volodymyr Zelensky në X , duke thënë se ishte mirënjohës për të gjithë mbështetjen, ndihmën dhe angazhimin maksimal të treguar jo vetëm këtë vit, por që nga fillimi i pushtimit të plotë rus.

“Javën e kaluar, Këshilli Evropian miratoi një vendim për 90 miliardë dollarë ndihmë financiare për Ukrainën për periudhën 2026-2027, dhe kjo është jashtëzakonisht e rëndësishme për ne. Ne e vlerësojmë shumë faktin që BE po e mbështet Ukrainën në këtë mënyrë në këtë fazë diplomatike, në shumë aspekte vendimtare”.

Sipas Zelensky, negociatat në vazhdim mund ta ndryshojnë rrënjësisht situatën, dhe është thelbësore të sigurohet presioni i duhur mbi Rusinë për hir të paqes. ”Do të bëjmë gjithçka që është e nevojshme për të arritur këtë qëllim. Ramë dakord për kontakte të mëtejshme në ditët në vijim. Edhe pse e gjithë bota tashmë mezi pret Krishtlindjet, ne nuk ndalemi së punuari asnjë ditë për të arritur qëllimin tonë të përbashkët: arritjen e paqes dhe sigurimin e sigurisë. Faleminderit”.