Zelensky drejt Uashingtonit, do të takohet me Biden dhe Harris

Presidenti i Ukrainës, Volodymyr Zelensky do të zhvillojë takim me homologun e tij amerikan Joe Biden, si dhe me zv/presidenten Kamala Harris.

Takimi është planifikuar të mbahet më datë 26 shtator, sipas njoftimit të Shtëpisë së Bardhë. “Udhëheqësit do të diskutojnë gjendjen e luftës midis Rusisë dhe Ukrainës, duke përfshirë planifikimin strategjik të Ukrainës dhe mbështetjen e SHBA-së në luftën e saj kundër agresionit rus”, tha Shtëpia e Bardhë në një deklaratë.

Zelensky tha këtë të enjte se ka përgatitur plotësisht “planin e fitores” që ai synon t’ia paraqesë homologut të tij amerikan, Joe Biden.