Zoran Milanoviç është presidenti i ri i Kroacisë, fiton garën përballë Kolinda Grabar Kitaroviç

Zoran Milanoviç nga Partia Social-Demokratike do të jetë presidenti i ri i Kroacisë. Ai në këtë garë ka mposhtur presidenten aktuale Kolinda Grabar Kitaroviç me një diferencë të ngushtë të votave 52.7 % me 47.3%.

Milanoviç ka qenë kryeministër i Kroacisë në periudhën 2011- 2015, zhvilloi fushatën e tij zgjedhore me premtimin se ai do të luftonte korrupsionin që ai thotë se ishte intensifikuar që kur ai humbi pushtetin dhe konservatorët morën drejtimin e vendit.

Kroacia këtë vit kryeson presidencen e BE ndërkohë Milanoviç është zotuar që të hapë negociatat në pranverë të këtij viti me Shqipërinë.