Dy zjarre të reja në Fushë-Krujë dhe në Voskopojë

Një zjarr i fuqishëm ka rënë pasditen e sotme në zonën e quajtur Gizë në afërsi të fshatit Borizanë të Fushë Krujës, duke rrezikuar rreth 20 banesa. Zjarri po përhapet me shpejtësi duke djegur shkurre e ferra dhe pemë frutore. Zjarrfikësja e Krujës e ka tepër të vështire ti vërë flakët nën kontroll pasi janë mbi 5 vatra zjarri.

Një zjarr masiv ndërkohë ka përfshirë pyjet me pisha në Voskopojë, në zonën midis Krushovës dhe Shipskës. Zjarri është aktiv prej disa orësh dhe ka përhapje të madhe, ndërkohë është nisur edhe një helikopter për shuarjen e flakëve.