Basha: Edi Rama kërkon Pazar. Gjithë jeta e tij politike është Pazar. Kur nuk ka Pazar, shpërfytyrohet, çmendet

-Edi Rama ka dënuar dhe larguar disa personalitete në PS si Ditmir Bushati, Fatmir Xhafaj apo Pandeli Majkon, të cilin me zor e mban në kabinet, por nuk ka larguar asnjë të akuzuarit nga drejtësia apo të shpallur non grata nga SHBA si dhe emrat që dolën nga publikimet skandaloze të përgjimëve. Kjo kategori bën ligjin në mazhorancë.

Në turin e takimeve që kreu i PD-së po zhvillon në bazë, ka sulmuar qeverinë dhe një pjesë bizneseve afër saj që po tentojnë të përçajnë PD dhe opozitën. Sipas tij, të gjitha këto manovra janë pjesë e skemës që synon që më përçarjen e opozitës të garantojnë jetëgjatësinë e pushtetit të qeverisë “Rama”.

“Edi Rama kërkon Pazar. Gjithë jeta e tij politike është Pazar. Kur nuk ka Pazar, shpërfytyrohet, çmendet. Kur nuk ka Pazar, përpiqet me lojën e vjetër “përça e sundo”. Nuk ka Pazar me Edi Ramën. Mercenarët dhe të shiturit tek ai dhe oligarkët e tij nuk e përçajnë dot as PD, as Opozitën. Fuqia jonë është bashkimi më i madh popullor në 3 dekada pluralizëm, është shumica 85% “Rama ik”,–  deklaroi Basha dje në Korçë.

Kreu i PD-së deklaroi se 30 qershori dhe votimet moniste të PS janë prova më e fundit që tregojnë se me këtë qeveri nuk mund të diskutohet asgjë tjetër, përveçse zgjedhjet e parakohshme parlamentare dhe lokale. Partia Demokratike ka më shumë se dy vite që denoncon manipulimet e zgjedhjeve vendore dhe atyre parlamentare me emra konkretë ministrash, kryebashkiakësh dhe deputetësh që janë bërë pjesë e skemave të vjedhjes së votës. Deri më sot Prokuroria shqiptare nuk ka marrë asnjë zyrtar nën hetim dhe as Edi Rama nuk i ka larguar bashkëpunëtorët e tij të akuzar.

Duke përmendur me emra kryebashkiakët dhe ish-ministrat e përfshirë në vjedhje të votave dhe në korrupsion, Lulzim Basha deklaroi se dënimi i tyre nga drejtësia është i pashmangshëm. “Kreu i opozitës theksoi se fundi i këtij regjimi do të vijë me zgjedhje të lira. “Askush që ka grabitur miliona dhe dhunuar e vjedhur shqiptarët e pasuritë e tyre publike, asnjë pushtetar që bashkëpunoi me krimin për të vjedhur zgjedhjet e 2017, nga Dako e Gjiknuri, tek Balla e Rama nuk do të shpëtojë pa dalë para drejtësisë së pavarur. Pushtetarët e korruptuar në pranga janë fillimi i Shqipërisë si gjithë Europa”,- theksoi Basha. Prova që Edi Rama nuk do të lëshojë bashkëpunëtorët e tij në manipulimin e zgjedhjeve u konfirmua 24 orët e fundit.

Kryebashkiaku i Durrësi dhe anëtari i Kryesisë së PS-së, Vangjush Dako u shpallë non grata nga Shtetet e Bashkuara të Amerikës. Në vendimin e Departamentit Amerikan të Shtetit theksohej se ndalimi i hyrjes në SHBA lidhej me raste të mëdha korrupsioni. Për herë të parë SHBA kanë bërë një akuzë konkrete ndaj një zyrtari të lartë shqiptar dhe kanë dhënë ndëshkimin duke e shpallur non grata. Pas këtij vendimi, kryeministri Edi Rama jo vetëm nuk ka bërë asnjë koment publik, por as nuk ka rishikuar pozicionin e Vangjush Dakos në strukturat e Partisë Socialiste. Zyrtarisht Dako është ende kryetari i Bashkisë së Durrësit, pasi ende nuk ka marrë mandatin kandidatja e PS. Po ashtu as Prokuroria shqiptare nuk ka nisur ndonjë verifikim lidhur me akuzën dhe denoncimin që ka bërë DASH. Sinjali që dha SHBA konfirmon akuzat e PD-së lidhur me zgjedhjet në Durrës dhe blerjen e votave nga Dako dhe drejtues të tjerë të PS. Por këtij mesazhi Edi Rama i është përgjigjur me heshtje dhe mbrojtje të njerëzve që blenë votat me bandat e krimit të organizuar.

Edi Rama ka dënuar dhe larguar disa personalitete në PS si Ditmir Bushati, Fatmir Xhafaj apo Pandeli Majkon, të cilin me zor e mban në kabinet, por nuk ka larguar asnjë të akuzuarit nga drejtësia apo nga SHBA si dhe publikimet skandaloze të përgjimëve./Q.Xhani/