Negociatat shtyhen një vit. Vendimi i BE për Shqipërinë në qershor 2019

Vendet e BE kanë vendosur që për Shqipërinë dhe Maqedoninë negociatat të hapen një vit më pas, në  2019. Vendimi është zyrtarizuar në mbledhjen e mbajtur në Këshillin e Çështjeve të Përgjithshme.

Në datën 28 dhe 29 qershor, kur ishte planifikuar vendimi për Shqipërinë nuk do të ketë asnjë vendimmarrje për Shqipërinë dhe Maqedoninë.

Takimi i sotëm i Këshillit të Çështjeve të Përgjithshme, i mbledhur në Luksemburg, ku marrin pjesë ministrat e Jashtëm të vendeve të BE-së është zhvilluar me debate lidhur me çështjen e bisedimeve për anëtarësim me Shqipërinë dhe Maqedoninë.
Bullgaria, vendi që mban presidencën e radhës së BE, njofton se Këshilli ka rënë dakord që të shtyhet vendimi për Shqipërinë dhe Maqedoninë.

Në një njoftim në faqen zyrtare në Twitter, Presidenca bullgare bënë me dije se “shtetet anëtare vendosën rrugën drejt hapjes së negociatave për anëtarësim me Maqedonisë dhe Shqipërisë në qershor 2019. Shqipëria: ka nevojë për përparim të mëtejshëm në reformën gjyqësore, luftën kundër korrupsionit, krimit të organizuar”,- thuhet në njoftim.

Për Shqipërinë theksohet se nevojitet më shumë progres me Reformën në Drejtësi, luftën kundër korrupsionit dhe krimit të organizuar, ndërsa për Maqedoninë kërkohet progres në reformat kyçe, rezultate në luftën kundër korrupsionit, sikurse edhe ruajtja e thellimi i këtij momenti kyç të reformave aktuale.

Në një mesazh në “Twitter”, Komisioneri europian për Zgjerimin, Johannes Hahn shpreh kënaqësinë që Këshilli Europian sheh më në fund dritë mbi konkluzionet e zgjerimit, veçanërisht mbi Shqipërinë dhe Maqedoninë e Veriut, pas një debati të gjatë.

“Rrugëtimi drejt hapjes së bisedimeve të anëtarësimit në qershor të vitit 2019 është i qartë. Një sinjal kyç ky për rajonin se progresi i bërë shpërblehet, sikurse edhe vendimtar për besueshmërinë e vet BE-së”, shkruan Hahn.

Ka qenë qëndrimi kundër i Francës dhe Holandës për çeljen e negociatave më 28 qershor, që ka detyruar gjithë vendet e BE që të gjejnë një rrugë të mesme, për të shtyrë me një vit dhënien e vendit. Vendimi për Shqipërinë dhe Maqedoninë pritet të jepet pas zgjedhjeve për institucionet e reja të BE.

Glad that @EUCouncil sees the light on #Enlargement conclusions, esp. on #Albania and the future #North #Macedonia, after long debate. Path twds opening #accession talks in June 19 clear. Key signal to t region that progress is rewarded. And crucial for t #EU's own #credibility. pic.twitter.com/cWOD1XZ7Ti

— Johannes Hahn (@JHahnEU) June 26, 2018

Member States set out the path towards opening of accession negotiations with #FYROM 🇲🇰 and #Albania 🇦🇱 in June 2019 at today‘s #GAC meeting.
Clear perspective towards a European future as per #EU2018BG priorities #EUenlargement #Enlargement

— Bulgaria in the EU (@BGPermRepEU) June 26, 2018

PJESË NGA QËNDRIMI I BE PËR SHQIPËRINË

-Duke pasur parasysh përparimin e mësipërm, në veçanti për pesë prioritetet kyçe, Këshilli pajtohet që t’i përgjigjet pozitivisht progresit të mësipërm të bërë nga Shqipëria dhe përcakton rrugën drejt hapjes së negociatave për anëtarësim në qershor të vitit 2019. Prandaj, Këshilli nënvizon nevojën kritike për të konsoliduar më tej progresin e bërë në reformën gjyqësore në veçanti përmes verifikimit dhe për të dhënë rezultate të tjera të prekshme në luftën kundër korrupsionit në të gjitha nivelet dhe në luftën kundër krimit të organizuar, veçanërisht në kultivimin dhe trafikimin e drogës, ruajtjen dhe duke thelluar momentin aktual të reformës. Kjo përfshin:

– avancimin e mëtejshëm të procesit të rivlerësimit të gjyqtarëve dhe prokurorëve, në veçanti duke plotësuar të gjitha dosjet prioritare dhe finalizimin e themelimit të strukturave të pavarura gjyqësore siç parashihet me reformën kushtetuese;

– finalizimin e themelimit të organeve të specializuara, përkatësisht Strukturës Speciale Kundër Korrupsionit dhe Krimit të Organizuar (SPAK) dhe Byrosë Kombëtare të Hetimeve (NBI) dhe Gjykatës;

– forcimi i procesit të hetimeve proaktive, ndjekjeve penale dhe dënimeve përfundimtare në luftën kundër korrupsionit dhe krimit të organizuar, duke përfshirë edhe në nivel të lartë.

Për këtë qëllim, Këshilli i bën thirrje Komisionit që të vëzhgojë nga afër përpjekjet e mësipërme të reformës nga Shqipëria dhe do të vlerësojë progresin në bazë të raportit vjetor të Komisionit. Këshilli kujton se vendimi për të hapur negociatat e pranimit me Shqipërinë do të jetë subjekt deri në përfundimin e procedurave parlamentare kombëtare dhe miratimin nga Këshilli Evropian dhe së shpejti do të pasohet nga Konferenca e parë ndërqeveritare deri në fund të  vitit 2019, në varësi të progresit të bërë. Këshilli thekson që ky vlerësim i progresit duhet të përfshijë rezultate të tjera të prekshme dhe të qëndrueshme duke u përqendruar në veçanti në sundimin e ligjit.

Për zgjedhjet, Këshilli i kushton një rëndësi të veçantë Shqipërisë në trajtimin e rekomandime të jashtëzakonshme të Organizatës për Siguri dhe Bashkëpunim në Zyrën e Evropës për Institucionet Demokratike dhe të Drejtat e Njeriut.

Këshilli, gjithashtu, i kushton një rëndësi të veçantë përpjekjeve të vazhdueshme të Shqipërisë në zvogëlimin e numrit të aplikimeve për azil që duken të pabazuara dhe gjithashtu i kërkon Komisionit të sigurojë që kjo të merret parasysh. Këshilli merr parasysh qëllimin e Komisionit për të filluar punën e nevojshme përgatitore.