Programi i qeverisë ”Rama 3”, Xhafaj: Është shumë i realizueshëm

Si e shohin vetë deputetët e PS-së, programin e qeverisë ”Rama 3”? Deputeti i PS-së, Etjen Xhafaj, thotë se programi ekonomik i qeverisë është shumë i realizueshëm, pasi instrumentat nuk mungojnë.

“Qeveria, me mandatin e tretë, ka dhe barrën e vijimësisë të atij që ishte zotimi fillestar para vitit 2013: ndryshimi i modelit ekonomik. Në mandatin e parë nisi me reformat e mëdha strukturore në të gjithë sektorët, nga energjia te pensionet; për të arritur në fund të mandatit të parë me Reformën në Drejtësi. Ndërsa mandati i dytë u ndërpre nga tërmeti i 26 nëntorit dhe pandemia”, tha Xhafaj për ”A2cnn”.

PO ashtu ai nënvizon se programi është plan i përgjithshëm masash për gjërat që duhen bërë. ”Programi është shumë më afër realitetit se ç’mund të ketë qenë më parë”.