Rroga minimale, Shqipëria e fundit në Europë

Shqipëria e fundit në Europë për rrogën minimale. Me pagën minimale 30 mijë lekë, vendi ynë nuk kalon asnjë prej 48 shteteve të tjerë europiane. Paçka se në vitin 2021, paga minimale u rrit me 30 euro, vlera e re nuk tejkalon asnjë shtet tjetër.

Në raport me shtetin kryesues, Luksemburgun, paga minimale në Shqipëri është 9 herë më e ulët dhe në raport me mesataren e Bashkimit Europian, 4 herë.

Më shumë se 25% e punonjësve në Shqipëri paguhen me rrogë minimale, e cila vlen shumë më pak, nëse llogaritet edhe pjesa e shpenzimeve. Qeveria do të rrisë sërish pagën minimale këtë vit, ndërsa premton që deri në vitin 2025 ta çojë 40 mijë lekë ose 330 euro.