24 orëshi i fundit për sa i përket Covid-19 del që është me shifrat më të ulta që nga fillimi i pandemisë. Sipas Ministrisë së Shëndetësisë, në 24 orët e fundit nuk e kanë fituar 3 pacientë dhe numri i jetëve të humbura që nga fillimi shkon në 2435. ”Me gjithë përpjekjet e stafit mjekësor betejën me Covid-19 nuk e kanë fituar 3 qytetarë: 1 qytetar nga Durrësi, 1 qytetar nga Malësia e Madhe, 1 qytetar nga Vlora të moshave 40-79 vjeç. Ministria e Shëndetësisë dhe Mbrojtjes Sociale u shpreh ngushëllimet familjarëve”,-informon Ministria e Shëndetësisë.
Po në 24 orët e fundit janë kryer 2639 testime, nga të cilat kanë rezultuar pozitivë 17 qytetarë. ”Rastet pozitive të konfirmuara janë identifikuar në këto bashki: 4 rastë në Shkodër, nga 2 raste në Tiranë, Fier, Lezhë, Vlorë, Delvinë, nga 1 rast në Kurbin, Mirditë, Finiq”. Lajmi i mirë është se në 24 orët e fundit janë shëruar 1,107 qytetarë, duke e çuar numrin e të shëruarve në 125,419 që nga fillimi i epidemisë. Në spitalet Covid po trajtohen 80 pacientë nga të cilët 9 pacientë janë në terapi intensive.
Ministria e Shëndetësisë dhe Mbrojtjes Sociale ju bën apel të gjithë qytetarëve të mos e ulin vigjilencën dhe të vijojnë të zbatojnë rregullat për parandalimin e Covid-19: Vendosni maskën mbrojtëse në çdo ambient jashtë shtëpisë, shmangni grumbullimet, ruani distancimin fizik; kujdesuni për higjenën vetjake dhe vetëizolohuni kur dyshoni se jeni të prekur nga Covid-19.
Statistika (17 Maj 2021)
Raste të reja ditore 17
Të shëruar në 24 orë 1,107
Të shtruar në spitale 80
Humbje jete në 24 orë 3
Testime ditore 2,639
Testime totale 679,396
Raste pozitive 132,032
Raste të shëruara 125,419
Raste aktive 4,178
Humbje jete 2,435
Shpërndarja gjeografike e rasteve aktive sipas qarqeve:
Tiranë 3276
Shkodër 175
Korçë 160
Gjirokastër 96
Fier 90
Lezhë 88
Vlorë 87
Elbasan 67
Berat 53
Durrës 40
Kukës 23
Dibër 23