Kryedemokrati Sali Berisha paralajmëroi kryeministrin Edi Rama se nëse sulmohet selia e PD-së, siç ndodhi dje me gaz lotsjellës, do të sulmohen të gjitha selitë e PS-së në vend.
“Dje është sulmuar selia e PD. I garantoj Ramës se sulmet ndaj selisë së PD, do të sjellin sulme ndaj selive të PS në të gjithë vendin. Ndaj hiq dorë nga kjo betejë si kryetar i organizatës kriminale. Nëse sulmoni selinë e PD, do ju përgjigjet PD siç e meritoni.”, tha ai.
Sipas Berishës, forcat speciale hodhen gaz lotsjellës te zyrat e PD si dhe arrestuan në hyrje të saj protestues të saj. Kjo do të sjellë, shtoi lideri demokrat, që do të kundërpërgjigjemi duke djegur zyrat e PS në rrethe, por kryesisht selinë qendrore në Tiranë.
