Zbardhet paketa anti-KÇK dhe ligji special për masat pasurore ndaj krimit të organizuar që u miratua sot nga qeveria me akt normativ.
Vendimet e miratuara sjellin ndryshime në ligjin antimafia, të policisë së shtetit dhe të administrimit të pasurive të sekuestruara dhe konfiskuara si dhe në Kodin Penal.
Pjesë e paketës Anti-KÇK janë dhe ata që ndonëse të akuzuar që nuk u dënuan kurrë. Barra e provës u takon atyre për të justifikuar ligjshmërinë e pasurisë.
Gjyqtarët, prokurorët, politikanët dhe zyrtarët e korruptuar i shpëtojnë paketës ligjore anti-KÇK.
Në draftin final prej 22 faqesh, janë hequr akuzat për shpërdorim detyre të zyrtarëve, korrupsioni i cfarë do lloj forme, përfshirë atë zgjedhor, por edhe atë të gjyqtarëve dhe prokurorëve.
Fokusi i vetëm i ligjit anti-KÇK do të jetë pasuria e kriminelëve dhe terroristëve, që janë në hetim ose të dënuar brenda ose jashtë vendit me vendim të formës së prerë për krime të rënda, vrasje, trafik droge, grup të strukturuar kriminal, terrorizëm dhe 44 vepra penale te tjera.
44 veprat penale që do godasë KÇK-ja
Organizatat kriminale, vrasja, rrëmbimi, droga, pornografia etj që do të jenë fusha e zbatimit të aktit normativ anti-KCK- që u miratua sot.
Fusha e zbatimit
a)pjesëmarrje dhe kryerje të krimeve nga organizata kriminale, banda e armatosur dhe grupi i strukturuar kriminal, të parashikuara nga kreu XI i Kodit Penal;
b)pjesëmarrje dhe kryerje të krimeve nga organizata terroriste e tëkrimeve për qëllime terrosiste, parashikuar nga kreu VII i Kodit Penal;
c)kryerjen e krimeve të parashikuara në nenet:
Neni 77
Vrasja me dashje në lidhje me një krim tjetër. Vrasja me dashje, që paraprin, shoqëron, fsheh ose pason një krim tjetër
Neni 78
Vrasja me paramendim.
Neni 78.a
Vrasja për gjakmarrje
Neni 79
Vrasja në rrethana të tjera cilësuese
Neni 79/a
Vrasja e funksionarëve publikë
Neni 79/b
Vrasja e punonjësve të Policisë së Shtetit
Neni 79/c
Vrasja për shkak të marrëdhënieve familjare
Neni 109
Rrëmbimi ose mbajtja peng e personit
Neni 109/b
Shtrëngimi me anë të kanosjes ose dhunës për dhënien e pasurisë
Neni 110/a
Trafikimi i personave të rritur
Neni 114
Shfrytëzimi i prostitucionit
Neni 117
Pornografia
Neni 128/b
Trafikimi i të miturve
Neni 134/3
Vjedhja me pasoja të rënda
Neni 136
Vjedhja e bankave dhe arkave të kursimit
Neni 138/a
Trafikimi i veprave të artit dhe kultures
Neni 139
Vjedhja me dhunë
Neni 140
Vjedhja me armë
Neni 141
Vjedhja me pasojë vdekjen
Neni 151
Shkatërrimi i pronës me zjarr
Neni 152
Shkatërrimi i pronës me eksploziv
Neni 278/a
Trafikimi i armëve dhe i municionit
Neni 282/a
Trafikimi i lëndëve plasëse, djegëse dhe helmuese
Neni 283
Neni 283/a
Trafikimi i narkotikëve
Neni 284
Kultivimi i bimëve narkotike
Neni 284/a
Organizimi dhe drejtimi i organizatave kriminale
Akti Normativ masat parandaluese kundër Terrorizmit
/Ora News