Një ditë pas aksidentit të rëndë në “Qafën e Koshovicës”, efektivi i policisë së qarkullimit, Klajdi Mustaj, ka treguar për mediat momentet kur rastësisht u gjend pranë vendit të ngjarjes dhe ndërhyri për të shpëtuar katër persona të lënduar.
Pas përmbysjes së mjetit tip “Benz”, ai arriti të nxirrte fillimisht një fëmijë dhe më pas drejtuesin e automjetit e dy pasagjerët e tjerë, ndërsa shuajti edhe zjarrin që kishte nisur në motor, duke parandaluar një shpërthim të mundshëm.
“Nuk mund ta quaj veten hero thotë ai pasi çdo punonjës policie, është i mirëtrajnuar për situata të tilla dhe duhet të veprojë me humanizëm dhe gjakftohtësi. Mbaj mend që kam bërë të mundur nxjerrjen e një fëmije nga mjeti fillimisht dhe për disa sekonda kam shuar zjarrin. Më pas kam nxjerrë drejtuesin dhe pasagjerët e tjerë
Kam marrë shumë falënderime qe nga qytetarët e thjeshtë, te drejtuesit e policisë e deri te Kryeministri”. Do të bëja sërish të njëjtën gjë pa u menduar dy herë nëse do të rastisja në tjetër situatë të njëjtë”, është shprehur ai për mediat.
Mustaj tha se ka marrë shumë falënderime nga qytetarët, drejtuesit e policisë dhe edhe nga Kryeministri, por ai thekson se do ta bënte sërish të njëjtën gjë, pa u menduar dy herë.