Gjekmarkaj: Zonja “Pushka” shoi Parlamentin me urdhër të Ramës. Nga e hëna fillon përballja çdo ditë e kudo
Aktualitet
24 deputetë të opozitës janë përjashtuar nga Kuvendi me 2 muaj. Nënkryetari i Kuvendit dhe i PD-së, Agron Gjekmarkaj e ka quajtur shuarje të Parlamentit me urdhër të Ramës, vendimin e Etikës. Për të këto veprime ku tentohet shuarja e opozitarizmit, është trashëgimin që kjo mazhorancë e ka nga etërit e diktaturës. ”Edhe rregullorja e dhunës e miratuar pak kohë me parë si represion ndaj opozitës nuk ka objekt sepse nuk jemi në ato kushte për dënime të tilla 40-60! Nga e hëna fillon përballja çdo ditë e kudo”,-shkruan Gjekmarkaj.
Postimi i plotë
Vendimi i sotëm i Zonjës “Pushka” e partisë me urdhër të Edi Rames i dhënë që dje e që ziente korridoreve të Kuvendit është de fakto shuarje e Parlamentit!
Një vendim që tregon frikë, dëshpërim dhe urrejtje ndaj opozitës!
Bindja “paternaliste” se “unë” kam të “drejtë” dhe bëj ç’të dua, dhunoj, ndëshkoj dhe me pas rrah gjoksin, është shenjë e qartë e degradimit të këtij Kuvendi dhe mbi të gjitha e kësaj qeverisjeje që pasi ta shtron me korrupsion të mbulon me burgosje politike! Turp për kolegët kukulla të PS-së që kaq padënjesisht përdoren. Pushteti në çdo rast është i përkohshëm, jeta më e gjatë, turpi i përjetshëm! Ju lutem mos na buzëqeshni më si “shpirt njeriu” kur të na takoni kolegë të përdorur.
Edhe rregullorja e dhunës e miratuar pak kohë me parë si represion ndaj opozitës nuk ka objekt sepse nuk jemi në ato kushte për dënime të tilla 40-60! Hakmarrje dhe jo ndëshkim sipas ligjit! Dënim pa ligj si në diktaturë! E keni në traditën e eterve shuarjen e opozitarizmit! Shqiptarët nuk do ju lejojnë! Nga e hëna fillon përballja çdo ditë e kudo!