Strehimi i afganëve në Shqipëri, ka hapur një debat që lidhet edhe me sigurinë. Analisti Ben Andoni gjykon se duhet Këshilli i Sigurisë Kombëtare duhet të ishte mbledhur një orë e më parë për këtë çështje.
Po ashtu ai nënvizon se me Kushtetutë ky Këshill ka detyrimin të mblidhet një herë në 3 muaj, por që në realitet nuk mbahet mend mbledhja e tij e fundit. Andoni nënvizon se rreziku në vendin tonë shtohet pasi afganët pritet ti mbivendosen një tjetër grupi të madh muxhahedinësh, të cilët prej kohësh janë të strehuar në Manzë.
”Kjo është e vështirë për tu thënë edhe për një arsye tjetër. Ne kemi një grup shumë të madh muxhahedinësh në Manzë, të cilët vazhdimisht janë referuar që kanë ngacmime nga shërbimet e Iranit. Madje në Shqipëri janë arrestuar njerëz të tillë. Ardhja e një pjese tjetër ne na dyfishon kërcënimet.
Të gjithë institucionet e shtetit shqiptar duhet të jenë të kujdesshëm.Ajo që më bën përshtypje është si është e mundur që në një situatë të tillë nuk mblidhet Këshilli i Sigurimit të Vendit.Këshilli i Sigurimit e ka të detyrueshme të mblidhet të paktën një herë në 3 muaj me Kushtetutë, por sa kohë ka që Këshilli i Sigurimit nuk mblidhet?
Ne kemi një komunitet shumë të madh myslimanësh në vendin tonë nga ku mund të infiltrohen shumë njerëz dhe mund të krijojnë problematika. Këshilli i Sigurimit të vendit tonë duhej të ishte mbledhur një orë e më parë për këtë çështje”,-tha për ”Ora News”.