Në mbledhjen e fundit të Këshillit të Përgjithshëm të Lëvizjes Vetëvendosje, kreu i partisë, njëherësh edhe kryeministër i Kosovës, Albin Kurti ka përmendur aplikimin e Kosovës për anëtarësim në Këshillin e Europës.
Ai bëri të ditur gjithashtu edhe se janë duke i bërë përgatitjet për aplikim edhe në NATO dhe BE.
“Kemi aplikuar për anëtarësim në Këshillin e Evropës. Anëtarësimi ynë në KiE është vlerë e shtuar për Këshillin dhe mundësi për Kosovën që të përparoj më shumë në fushën e drejtësisë. Jemi duke i bërë përgatitjet për aplikim për anëtarësim në Partneritetin e Paqes në kuadër të NATO-s, e do të aplikojmë edhe për anëtarësim në BE”.
