Sekretari i Përgjithshëm i PS, Taulant Balla nuk është pritur mirë as në vendlindjen e tij.
Deputeti i zonës në disa legjislatura dhe që kërkon edhe të rradhës më 25 Prill ishte pak ditë më parë në Librazhd Katund, ku ka debatuar me banorët sa i përket premtimeve të mbajtura në këto 8 vite.
Kundërshtimi i banorëve duket se nuk i ka pëlqyer Taulant Ballës, i cili ka replikuar me banorët madje duke i kërkuar që ti hiqet edhe e drejta e fjalës forcërisht.
Pjesë nga debati:
Banori: Shiko se ka që në 2013 që është…
Balla: Dëgjo këto teatrot kështu, që do i postoni nuk i kam qef
Banori Tjetër: O zotëri do e dëgjosh se jemi katunarë
Balla: Hiqe çik atë kamerën, lëre atë kamerën o aga…
Banori: 12…
Balla: Merrja çik mikrofonin atij, merrja mikrofonin….leri mos na bëj skena këtu tani…hajde
Edhe pse nr.8 në listën e PS, Balla është drejtuesi i fushatës për mazhorancën në qarkun e Elbasanit.