Mjeku epidemiolog, Skënder Murtezani, i cili vepron në New York të Shteteve të Bashkuara, thotë se procesi i vaksinimit duhet të vijojë dhe se është shumë i rëndësishëm për ndalimin e virusit. Sipas tij, nëse ai nuk ndalet mund të kemi një variant të ri, i cili mund të mos mbulohet nga vaksinat aktuale kundër Covid-19.
”Përshpejtimi i vaksinimit është jashtëzakonisht i rëndësishëm. Duhet të vijojmë me vaksinimin, momentalisht është shumë shpresëdhënese sepse të gjitha vaksinat i mbulojnë variantet që janë deri sot.
Brenda varianteve ka disa variacione. Në një rast propozova që sekuestrimi gjeonimik të behet edhe në Shqipëri, të ndiqen variantet që janë në rrethin tonë. Për fat të keq, nëse nuk e ndalojmë virusin, variantet do të shpeshtohen. Mund të vijë një variant i pakapshëm për vaksinat e sotshme.
Prandaj edhe përdorimi i masave, si distancimi, higjiena mbajtja e maskës duhet të vijojë, që të mos hasim në një variant dhe të nisim punën nga fillimi si në janar”.-tha ai.