Sekretari i Përgjithshëm i Partisë së Lirisë, Tedi Blushi zhvilloi këtë të enjte një mbledhje me Strukturat e Partisë së Lirisë në qytetin e Vlorës, aty ku u zhvillua edhe një ceremoni shtetërore për 28 Nëntorin.
”Bashkia e Vlorës është kthyer tanimë në simbol të korrupsionit të gjithë jeni dëshmitarë që edhe rilindasi në krye të Bashkisë së Vlorës nuk i ka garantuar këtij qyteti ujin e pijshëm jeni të gjithë dëshmitarë sesi rilindasi i radhës në krye të Bashkisë së Vlorës e ka shndërruar Vlorën ose më mirë të themi e ka përmbytur Vlorën nga mbeturinat duke e shndërruar në një “bombë ekologjike” situatën me mbetjet urbane dhe sidomos në këtë qytet, ku arbitrariteti i “Rilindjes” në raport me biznesin e ndershëm është në nivele shumë të larta”,-tha Blushi.
Nga ana tjetër, Blushi kërkoi nga të gjithë intensifikim të aksionit opozitar në terren.
‘‘Edhe buxhetin që ai ka depozituar dhe që pritet të kalojë në seancën e dhjetorit nen për nen në Parlament, nuk është gjë tjetër veçse buxheti i vjedhjes më të madhe në historinë e vendit, veçse buxheti i cili i hap udhën gllabërimit të qindra e qindra miliona eurove taksa tuaja, taksa të qytetarëve të Vlorës, taksa që paguhen nga pensionistët e ndershëm dhe nga bizneset e ndershme”, tha Blushi.