Nga Redjon Shtylla
Alma Arrazi do të prehet larg fëmijëve të saj. 39-vjeçarja e cila u vetëflijua në lumin e Bunës me 3 fëmijët e saj të mitur, sot u varros në varrrezat e Durrësit, ku morën pjesë shumë pak njerëz, thuajse një varrim me trup.
Babai, motra dhe vëllai ishin aty për ta përcjellë në banesën e fundit, të renë e cila në kushte depresioni ndërmori aktin e rëndë duke mbytur veten dhe tre fëmijët e saj. Ajo do të prehet pranë nënës së saj.
3 fëmijët e saj do të prehen në varrezat e qytetit të Shkodrës pranë familjes së të atit shumë kilometër larg nga nëna e tyre. Ceremonia mortore për to u zhvillua në të njëjtën orë me Almën, ndërsa Erdgys Arrazi i cili po mbahet në paraburgim për shkaktim të vetëvrasjes, nuk iu aprovua kërkesa që të marrë pjesë në funeralin e vajzës 7-vjeçe dhe djalit 3-vjeçar.
Prokuroria e Shkodrës dha aprovim për kërkesën, ndërkohë që policia e Shkodrës dhe Drejtoria e Burgjeve e kanë refuzuar. Arrazi nuk u lejua as në ceremonië mortore të vajzës 9-vjeçare që u zhvillua dy ditë më parë.
Pse Alma u varros me trup dhe larg fëmijëve? Ajo bëri kurban fëmijët dhe të tjerët as me trupat e pajetë nuk pushuan, por i ndanë. A është një hakmarrje për aktin e Almës, por nëse nëna i vrau, babai pse i groposi me njollë?
Ka ardhur koha që të shohim se ku jemi, dhe sesi po ecim përpara, se çfarë është tradhëtia dhe çfarë duhet të bëjë një njeri kur përjeton një gjë të tillë, por që duhet të gdhendet me të madhe, për dashurinë nuk vritet, por jetohet.