Deputeti i PD-së dhe nënkryetari i Kuvendit, Agron Gjekmarkaj është skeptik ndaj marrëveshjes mes Shqipërisë dhe Italisë për kampet e refugjatëve, duke ngritur pyetjen “kujt i duhet kjo”. Sipas tij, marrëveshja nuk është pritur mirë as nga italianët.
”Nuk e kam të qartë pse vetëofrohet Shqipëria? Nëse bëhet fjalë për toka, Italia ka toka plot. Nëse është çështje që Italia të ikë nga ligjet e veta, e kam të vështirë ta pranoj”,-tha deputeti në ”Top Story”. As nga lezhjanët nuk është pritur mirë kjo marrëveshje, tha Gjemarkaj.
”Nuk e kuptoj se çfarë fiton Shqipëria. Në Lezhë, kjo nuk është mirëpritur. Krijohet një geto në një zonë turistike. Do të jetë një kamp i hapur. Një shqetësim i Evropës këto kohë është eksportimi i terrorizmit. Si do t’i trajtojë Shqipëria problemet e të drejtave të njeriut. Nuk di t’i vë një emër. Nëse bëhet si investim personal i kryeministrit, pse duhet të bëhet kjo me shpenzimet e Lezhës. Ne pritëm afganët, por ata ikën nga lufta. Ishin njerëz të elitës. Pse t’i presë Lezha të gjithë?”,-tha më tej Gjekmarkaj.
Me tej deputeti la të kuptohej se do të ketë reagim nga qytetarët.