Kryeministri Edi Rama ka ndarë mëngjesin e së shtunës me një përditësim mbi vijimin e punimeve në lumin Buna, në Shkodër. Përmes një statusi në rrjetin social Facebook, Rama njoftoi nisjen e fazës së dytë të ndërhyrjes përgjatë shtratit të lumit, konkretisht në zonën e Dajlanit, ku puna po vijon intensivisht.
“Mirëmëngjes 😊 dhe me fazën e dytë të ndërhyrjes përgjatë shtratit të lumit Buna, në zonën e Dajlanit, Shkodër, ku puna vijon edhe për të liruar hapësirat që pengojnë rrjedhën natyrore të lumit, ju uroj një fundjavë të mbarë“, shkruan Rama.
Kryeministri theksoi se qëllimi i këtyre ndërhyrjeve është pastrimi dhe zhbllokimi i rrjedhës natyrore të Bunës, duke parandaluar përmbytjet dhe duke përmirësuar mjedisin përreth. Postimi u shoqërua me pamje nga terreni, ku duken makineri të rënda në veprim përgjatë brigjeve të lumit.