Rritja e çmimit të maskave dhe dezinfektantëve ka sjellë gjobitjen e 24 depove farmaceutike në vend.
Sipas Autoritetit të Konkurrencës këto depo kanë ndikuar edhe tek prishja e konkurrencës dhe bllokimi i tregut të shitjes së këtyre produkteve shumë të nevojshme për qytetarët gjatë pandemisë.
Hetimi i Autoritetit nisi pasi u raportua një rritje e pajustifikuar për çmimet e maskave, alkoolit dhe dezinfektantëve në formë xheli.
Ato nuk kanë bashkëpunuar dhe nuk kanë informuar autoritetin për vendimet e tyre.
10 prej depove tyre janë gjobitur me nga 1 milion lekë dhe 14 të tjera me nga 2 milionë lekë.
Ndërkohë hetimi nuk mbetet me kaq, teksa Autoriteti i Konkurrencës paralajmëron se nëse shkeljet vijojnë atëhere depot e farmacive do gjobiten me 10% të xhiros së tyre vjetore.