Kreu i grupit parlamentar i PS, Taulant Balla në këtë ditë të 48-të të protestës përballë Kryeministrisë, ka postuar një foto ku shihen vetëm pak protestues. Ai ka reaguar përmes një mesazhi publik, duke kritikuar përpjekjet që sipas tij synojnë të pengojnë zhvillimin e Shqipërisë. Ai ka shprehur gjithashtu vlerësimin e tij për mbështetësit e vizionit të zhvillimit të vendit. ”Një përgjigje për ju që keni mbetur aty. Kushdo që do të përpiqet ta tërheqë Shqipërinë përsëri poshtë, nuk do t’ia dalë kurrë më. Respekt për flamingot. Për sorrat e dini tashmë mendimin tim”,-shkruan Balla.