Ish-kryetarja e ish-LSI-së, Monika Kryemadhi këtë mbrëmje e ftuar në ”News 24”, ka komentuar paraqitjen e Ilir Metës brenda në kafazin e qelqtë gjatë seancës, për të cilën e krahasoi me një ligj që mbahej një terrorist në Francës i cili kishte vrarë qindra persona.
”Pjesa më e madhe që merreshin me pamjen ishte edhe për të krijuar presion psikologjik, qoftë për kafazin është punë e Ministrisë së Drejtësisë. Mendoj që mediat afër qeverisë e kanë pasur edhe si presion. Sa për Beqajn ka një keqkuptim, sepse tek gjyqi që ka për sterilizimin duhet të ishte në tavolinë.
Mendoj që çështjen e kafazit mbajnë një ligj të një terroristi në Francës që kishte vrarë 100 njerëz. Duhet bërë një analizë që ti që më akuzon dhe më fut në paraburgim, këta gjyqtarët do mbajnë një përgjegjësi, fut njerëzit në burg, shkatërroi jetën. Kush është përgjegjësia jote? Janë mbi 9 vendime të Gjykatës së Strasburgut, cila është përgjegjësia jote kur Strasburgu i rrëzon?”, tha ajo.