Sot u zhvillua online Samiti i Sofies, si pjesë e Procesit të Berlinit, nën bashkë drejtimin e Bullgarsë dhe Maqedonisë së Veriut.
Procesi i Berlinit, u inicua nga Kancelarja Merkel në 2014, si një nstrument për të nxitur bashkëpunimin rajonal, fuqizimin ekonomik të Ballkanit Perëndimor (BP) si dhe për të mbështetur vendet në rrugëtimin drejt integrimin europian.
Në Samitin e sotëm morën pjesë Liderët e Ballkanit Perëndimor, Kancelarja Merkel, Ursula Von der Leyen Presidentja e Komisionit Perendimor, Presidenti Macron, Kryeministri Conte, Mitsotakis, Plenkovic, Borissov, Komisioneri Varhelyi etj.
Dy dokumentet kryesore që u miratuan sot në Samit janë: Ngritja e Tregut të Përbashkët Rajonal dhe Angazhimi për një Axhendë të Gjelbër për BP, të cilat janë hartuar nga Këshilli i Bashkëpunimit Rajonal (RCC).
Tregu i Përbashkët Rajonal, që përfshin Shqipërinë, Bosnjë & Hercegovinën, Kosovën, Malin e Zi, Maqedoninë e Veriut dhe Serbinë, synon të krijojë një rajon më konkurrues e tërheqës dhe më afër tregjeve të BE-së.
Përfitimet që sjell ky treg janë:
1. Më shumë punë dhe mundësi punësimi si dhe më shumë zgjedhje me çmime më të ulëta!
2. Mundësi udhëtimi, studimi e punësimi dhe të bërit biznes në kushte më të lehtësuara e pa pengesa, në rajon.
3. Një treg i integruar prej 18 milionë banorësh është më konkurrues në BE dhe në tregun global sesa 6 tregje të vogla!
Në fjalën e saj të hapjes së këtij Samiti, znj Majlinda Bregu theksoi: “Një fazë e re e integrimit ekonomik rajonal do të fillojë nga sot me miratimin nga udhëheqësit e BP6 të CRM dhe Green Agenda (Axhendës së Gjelbër) të lehtësuar nga RCC.
Në emër të RCC, unë jam e nderuar, për pjesën e punës që bëmë në formësimin e këtij dokumenti. Zhvillimi i Tregut të Përbashkët Rajonal nuk ishte një udhëtim i thjeshtë, por ia vlejti mundimi. Ai është një plan i bazuar në katër liritë, sikundër Tregu i Vetëm ië BE-së, i forcuar me Investime, Digjitale, Industri dhe Inovacion. Qeveritë e BP6 janë autorët dhe ata që do e bëjnë realitet Tregun e Përbashkët Rajonal. Plani fuqizon lëvizjen e lirë të njerëzve në rajon, i mundëson komunitetit të biznesit të provojë potencialin e një Tregu të Përbashkët të bazuar në modelin e Tregut të Vetëm të BE-së, aftësimin e krahut të punës sipas tendencave të tregut të punës, zhvillimin digjital dhe inovacionin.”
Rritja e rajonit parashikohet të bjerë në -5.1%. Rënia e PBB-së në tremujorin e dytë të këtij viti është goditëse, në disa raste deri në -20%, kryesisht për shkak të kolapsit në turizëm. Ndërkohë që nëse hiqen barrierat ndërmjet vendeve të BE, parashikohet një rritje ekonomike me 6.7% PBB-në në rajon.
Në kulmin e pandemisë, Ballkani Perendimor ngritën Korridoret e Gjelbra, të koordinuara nga Këshilli Bashkëpunimit Rajonal.