Rusia ka grumbulluar më shumë se 100,000 trupa pranë kufirit të Ukrainës në javët e fundit. Analistët paralajmërojnë se ushtria ruse përbën një kërcënim të menjëhershëm për Ukrainën. Nga ana tjetër, Rusia ka krijuar pika presioni në tre anët e Ukrainës.
Ukraina Lindore
Vëmendja më e madhe i është kushtuar rajoneve separatiste Donetsk dhe Luhansk, ku forcat ukrainase dhe separatistët e mbështetur nga Rusia kanë qenë në konflikt që nga viti 2014. Supozimi kryesor i atyre që vëzhgojnë lëvizjet ruse është se Moska mund të rrisë fuqinë ushtarake që tashmë posedon në rajon, duke e bërë kështu Ukrainën lindore pozicionin më të lehtë për të nisur një pushtim.
Bjellorusia
Shqetësimet janë rritur gjithashtu për një grumbullim të madh të trupave ruse në Bjellorusi, një vend i ngushtë aleat me Moskën që mund të sigurojë një rrugë tjetër për në Ukrainë. Rusia dhe Bjellorusia filluan të enjten 10 ditë stërvitje të përbashkëta ushtarake, madhësia dhe koha e të cilave ka ngjallur frikë në Perëndim.
Krimea
Gadishulli i aneksuar nga Rusia në 2014 do të ofronte një terren natyror për çdo operacion të ri, por është e paqartë nëse Moska do të përpiqet të nisë një lëvizje në Ukrainë nga Krimea.