Ka edhe kështu, ku një superjaht luksoz në pronësi të miliarderit amerikan, u pa duke kaluar nëpër një kanal shumë të ngushtë dhe midis fshatrave holandezë. Jahti i Howard Schultz, i quajtur Pi, ka një rreze lundrimi mbi 4,500 milje detare dhe në bord ka spa luksoze, xhakuzi, pistë për helikopter dhe një pishinë. Ky jaht gjigant që besohet të vlejë rreth 200 milionë dollarë, mund të akomodojë deri në 12 të ftuar në gjashtë kabina dhe ka një ekuipazh prej 18 personash. Me një gjatësi marramendëse prej 77.4 metrash dhe gjerësi rreth 11 metra, Pi renditet si jahti i 183-të më i madh në botë.
