Turistët do mund të vizitojnë Greqinë këtë verë por rregullat e distancimit social do të mbeten në fuqi për t’i mbajtur njerëzit të sigurt nga koronavirusi, tha ministri grek i turizmit Harry Theocharis.
“Ne duam që njerëzit të vijnë në Greqi,” tha ai për Radio BBC. “Sigurisht që do të marrim masa paraprake përsa i përket kërkesave para udhëtimit, por edhe përsa i përket mënyrës së udhëtimit, mënyrës së qëndrimit. Do të zbatohen rregullat e distancimit social.”
Ai shtoi se turistët duhet të ndjehen të sigurt në Greqi pasi vendi do të marrë masa paraprake të rrepta.
“Greqia është një vend i sigurt dhe në shumë raste shumë më e sigurt “, tha ai.
Deri më tani në Greqi janë shënuar 138 viktima nga Covid-19 dhe janë regjistruar 2,566 të infektuar.