Bota ka nisur edhe një debat politik mbi pandeminë e Covid-19. Administrata Trump po e drejton gishtin nga Kina lidhur me përpjekjet për të vjedhur hulumtimet rreth Covid-19, pasi zyrtarët po paralajmërojnë se kanë parë një valë në rritje të sulmeve kibernetike ndaj agjencive qeveritare amerikane dhe institucioneve mjekësore që udhëheqin reagimin pandemik nga disa shtete e grupe kriminale.
Spitalet, laboratorët hulumtues, ofruesit e kujdesit shëndetësor dhe kompanitë farmaceutike janë goditur të gjitha, thonë zyrtarët duke shtuar se dhe Departamenti i Shëndetit dhe Shërbimeve Njerëzore, i cili mbikëqyr Qendrat për Kontrollin dhe Parandalimin e Sëmundjeve është goditur nga një rritje e grevave të përditshme. “Mund ta them me siguri se vetëm dy vende në botë mund ta godasin (Departamenti e Shëndetit dhe Shërbimeve Njerëzore) në këtë mënyrë siç është goditur ai”,-tha për CNN një zyrtar i cili është në dijeni të sulmeve.
Pas një farë hezitimi për t’ia atribuar sulmet e gjera në të gjithë sektorin e mjekësisë ndonjë vendi specifik, qoftë për arsye politike apo mungesë sigurie, zyrtarët e lartë të sigurisë kombëtare kanë vendosur të veçojnë Kinën. Departamenti i Drejtësisë tani thotë se tani janë veçanërisht të shqetësuar nga sulmet e hakerave kinezë që shenjestrojnë spitalet dhe laboratorët amerikanë për të vjedhur rezultatin e hulumtimeve në lidhje me virusin.
