Policia në Kinë ka arrestuar një aktivistin e Xu Zhiyong i cili kishte qenë i arratisur për javë të tëra pasi kritikoi Presidentin Xi Jinping për trajtimin e epidemisë së koronavirusit. Aktivisti kundër korrupsionit u arrestua të shtunën pasi ishte në arrati që nga dhjetori, sipas Amnesty International.
Partia Komuniste në pushtet e Kinës ka kufizuar ashpër liritë civile qëkur Presidenti Xi mori pushtetin në vitin 2012.
Vdekja e mjekut që zbuloi i pari koronavirusin por që më pas u çensurua, shkaktoi zemërim të madh në popullin kinez që kërkon reforma politike dhe liri të fjalës, shkruan Daily Mail.
Javët e fundit, Xu kishte shkruar shumë artikuj duke kritikuar trajtimin e shpërthimit të koronavirusit nga Pekini, i cili ka infektuar më shumë se 70,000 njerëz në Kinë dhe ka vrarë 1.770 në të gjithë botën.
”Beteja e qeverisë kineze kundër koronavirusit nuk e ka devijuar në asnjë mënyrë atë nga fushata e saj e përgjithshme e vazhdueshme për të shtypur të gjithë zërat kundërshtues,” tha Patrick Poon, studiues i Kinës në Amnesty International.
Presidenti Xi Jinping gjatë vizitës së një spitali ku trajtohen pacientët me koronavirus