Presidenti iranian, Masoud Pezeshkian thotë se vendi i tij nuk dëshiron të “zgjerojë rrethin e luftës” me Izraelin, por do të përgjigjet “në proporcionalitet” me çdo sulm. Ai i bëri këto komente gjatë një telefonate me presidentin turk Rexhep Tajip Erdogan të hënën, sipas agjencisë shtetërore të lajmeve të Iranit.
“Agresioni” izraelit ka vrarë civilë, shkencëtarë dhe udhëheqës ushtarakë në Iran, tha Pezeshkian. “Irani nuk e filloi këtë luftë, por do të përgjigjet në proporcionalitet me nivelin e sulmit”. Ai tha gjithashtu se pjesëmarrja e Iranit në bisedimet bërthamore me Shtetet e Bashkuara “varet vetëm nga ndërprerja e sulmeve të regjimit sionist ndaj vendeve të rajonit”.
Sipas agjencisë shtetërore të lajmeve të Turqisë, Erdogan i tha Pezeshkian se Turqia është gati “të luajë një rol lehtësues për të ndihmuar në uljen e tensioneve në konflikt dhe për të mbështetur një kthim në negociatat bërthamore”.
