Që nga viti 1950, mijëra pedofilë kanë vepruar brenda Kishës Katolike Franceze. Hetimi zbuloi se mes 2,900 dhe 3,200 priftërinjve ose anëtarëve të tjerë të kishës janë pedofilë, tha Jean-Marc Sauve.
Peshkopët francezë po përgatiten të mirëpresin raportin mbi pedofilinë, i cili do të publikohet më 5 tetor në Francë dhe që pritet të jetë një tërmet për kishën katolike franceze. Gjatë një vizite në Vatikan, prelatët francezë i dorëzuan një shënim Papa Françeskut.
“Unë i thashë Papës atë që mund të bëja, i lashë një shënim në lidhje me të, në mënyrë që ta studionte. Mu duk nevojshme për ta bërë këtë, është e rëndësishme që ai të paralajmërohet”, tha Imzot Eric de Moulins Beaufort, president i Konferencës së Peshkopëve Francezë, në një konferencë shtypi në Romë.
Raporti premton se do të jetë një tërmet i vërtetë për Kishën Katolike të vendit.
“Ky raport është një hap i rëndësishëm por jo fundi i historisë, për Kishën Katolike si për pjesën tjetër të shoqërisë. Në fund të kësaj pune të konsiderueshme, nuk mund të pretendohet se ka të gjithë të vërtetën. Ne jemi vetëm në prag. Punë të tjera do të duhet të thellojnë njohuritë mbi krimin e fëmijëve. Por ne kemi mjaft të vërteta për të folur me besim dhe në mënyrë legjitime”.